Kadamba bane bansi bajila re

କଦମ୍ବ ବନେ ବଂଶୀ ବାଜିଲାରେ ରାଧା ଦମ୍ଭ ଶିଖରୀ ଭାଜିଲାରେ

ତୋ ବିନା ପ୍ରତିକାର ଆନ କେ ନାହିଁ ମୋର ବିବେକ ରତନ ମୋ ହଜିଲାରେ

କଢ଼ା ମୋତେ ସରଣୀ ଆରେ ପ୍ରାଣମିତଣୀ ତୋ ବିନା ଜୀବନ ବରଜିଲାରେ

ଦେଖି ବ୍ରଜେନ୍ଦୁ ମୁଖ ଲିଭାଇବିରେ ଦୁଃଖ ସ୍ମରାନଳରେ ତନୁ ଭାଜିଲାରେ

ପଳାଇଲାନି ମନ ବେଣୁପତି ଶୋଭନ ପୀୟୂଷ ବାରିଧିରେ ମଜ୍ଜିଲାରେ

ଚାଲ ଯିବା ଲଳିତା ବୋଲୁଁ କୀର୍ତ୍ତିଦା ସୁତା ମୁଖ ସୁବର୍ଣ୍ଣାବ୍ଜ ବିରାଜିଲାରେ

ଏକାନ୍ତ ଶ୍ରୀ ଲଳିତା ଶ୍ରୀ ବୃଷଭାନୁ ସୁତା ଗୋପାଳକୃଷ୍ଣ ରହି ହେଜିଲାରେ