Ago sakhi pasori nuhe giridhariki

ଆଗୋ ସଖୀ ପାଶୋରି ନୁହେଁ ଗିରିଧାରୀକି । ପାଶୋରି ନୁହେଁ ଗିରିଧାରୀକି ଲୋ ମୂରୁଛି ନୁହେଁ ଗିରିଧାରୀକି

ଆନ କିଛି ନ ରୁଚେ । ଆଖି ଭିତରେ ନାଚେ । କଳଙ୍କ ହେଲା କୁଳନାରୀଙ୍କି

ସେ କି ଗୋକୁଳବାସୀ । ମହା ମୋହନ ଫାଶି । ଆସି ରହିଛି ନନ୍ଦପୁରୀକି

ଚାହିଁବା ମାତ୍ରେ ମନ । ହରେ ମତିମୋହନ । ଏତେକ ନ ପାରିଲି ତରକି

କି କୋମଳ ବଚନ । ପବିତ୍ର ଅପଘନ । ଲୋଚନ ବେନି କାମଛୁରୀ କି

ଲେଖିଦେବି ମୁଁ ଖତ । ଲୋକ ପଣେ ଦେଖତ । କେ ଆଣି ଦେବ କାଲି ପରି କି

ବନମାଳୀ କହଇ । ରାଗରେ ଯେ ଚାହଁଇ । ସେ ସିନା ଯାଏ ଏତେ ସରି କି