Chahan re sangini keli nipa taru mulaku
ଚାହାଁରେ ସଙ୍ଗିନୀ କେଳି ନୀପ ତରୁ
Text
Ghoṣā
ଚାହାଁରେ ସଙ୍ଗିନୀ କେଳି ନୀପ ତରୁ ମୂଳକୁ ସେ ମନୋହର ମୂରତି ଶୋଭା ବାଙ୍କଚୂଳକୁ
1
ଭାଲେ ଶୋହେ ଗୋରଚନା କସ୍ତୁରୀ ଚିତା ରଚନା ଦେଖି କେବଣ ଅଙ୍ଗନା ନ ତେଜିବ କୁଳକୁ
2
କର୍ଣ୍ଣେ ରତନ କୁଣ୍ଡଳ ଖେଳା କରେ ଗଣ୍ଡସ୍ଥଳ ଚାହାଁ ଥରେ ଝଲମଲ ନାସା ମୋତିଫଳକୁ
3
ପୃଷ୍ଠଦେଶେ ଶୋହେ ବେଣୀ ଗଳେ ରତ୍ନହାର ପୁଣି କଟୀ ଦେଶରେ କିଙ୍କିଣୀ ଶୁଭେ ତରୁତଳକୁ
4
ଶ୍ରୀପଦେ ନୂପୁର ଧ୍ୱନି ନାଦେ ମୋହୁଛି ମେଦିନୀ କରେ ମୋହନ ମୁରଲୀ ଦିଶେ କି ମଞ୍ଜୁଳକୁ
5
ରଙ୍ଗିମା ଅଧରେ ହାସ ବାଙ୍କ ଚାହାଣୀ ପ୍ରକାଶ ବୋଲେ ବେଣୁଧର ସେ ତ ଚନ୍ଦ୍ରମା ଗୋକୁଳକୁ