Arajibi pache jana apakhyatiki go

ଅରଜିବି ପଛେ ଜନ ଅପଖ୍ୟାତିକି ଗୋ ବରଜିବି କେହି ଘନଶ୍ୟାମ ପ୍ରୀତିକି ଗୋ

ତେଜି ଜାଈଦଳ ଶେଯ । ଘନସାର ମଳୟଜ । କରିବ କେ ରାଜୀବଦଳକୁ ଗତିକି ଗୋ

ତା ସୁନ୍ଦର ମନ୍ଦହାସ । ରୁଚିର ଭୂରୁ ବିଳାସ । ଛାଡ଼ି ଆଡ଼ିବ କେ ଫୁଲବାଣେ ଛାତିକି ଗୋ

ପଦକୁ ପୁରନ୍ଦରର । କରିଦେବି କରି ଛାର । ନିତି ନିତି ତା ସୁରତେ ସତେ ମାତିକି ଗୋ

ତେଜିଣ କୋଣ ଚାହାଣୀ । ପୀୟୂଷ ମଧୁର ବାଣୀ । ସହିବ କେ କାମରାଜ ଝଳି କାତିକି ଗୋ

କରି ଗାଢ଼େ ପରିରମ୍ଭ । ତା ଅଧର ପକ୍ୱବିମ୍ବ । ପିଉଥିବି ପାହିଯିବା ଯାଏ ରାତିକି ଗୋ

ବୋଲେ ବସୁଦୁର୍ଗପତି । ଧ୍ୟାନ କରି ତା ମୂରତି । ନାମ ଭଜନରେ ବ୍ରତୀ ହେବି ଯତିକି ଗୋ