Aja e ki gumana re

ଆଜ ଏ କି ଗୁମାନ ରେ ଚନ୍ଦ୍ରାନନା ଦେଖି ନାହିଁ ସ୍ୱପନରେ

ସୁନ୍ଦର ରଦବାସ ମନ୍ଦାର ଦଳେ ହାସ -କୁନ୍ଦକୁ ପରକାଶ କୁନ୍ଦନାଙ୍ଗୀ ମୋ ଧନି (ପଡ଼ି) ତୁ ସିନା ମୋର ପ୍ରାଣ ରମଣୀଗଣ ରାଣ ରାଣ ଅଛିଟି ମାଣବକ ମୃଗାକ୍ଷୀ ଜାଣ ଦାରୁଣ ସ୍ମରରାଣ ଶାଣଦିଆ ତୀକ୍ଷଣ ବାଣ ଗଣରେ ନିଶ୍ଚେଁ ନେବଟି ଏ ପରାଣ

ଚାରୁ ଚମ୍ପକଦେହାରେ ଚନ୍ଦ୍ରାନନା କାହୁଁ ଶିଖିଲୁ ଏହାରେ ଅଶ୍ରୁ ପ୍ରସରିବାର ମହୀକି ଚିରିବାର ଆଜନ୍ମ ପରିଚାର ସଂସାର ସାରିବାର

ମର୍ମ୍ମ ଗଲାଟି ଫାଟିରେ ଚନ୍ଦ୍ରାନନା ମାର ମାର୍ଗଣ ଧାଟିରେ ବନ୍ଧୁଆ ସରିଲିଟି ତୋ କୀର୍ତ୍ତି ପରିପାଟୀ ରୋପିବାର ଲତାଟି ମୂଳୁଁ ନ ପକା କାଟି

ଦୋଷ ଦେଖି ତୁ ଦଣ୍ଡରେ ଚନ୍ଦ୍ରାନନା ମଣ୍ଡନା କର ଗଣ୍ଡରେ ବାହୁପାଶେ ନିତାନ୍ତେ ବାନ୍ଧିବା ବସନାନ୍ତେ ଓଷ୍ଠ ବିଦାରି ଦନ୍ତେ ଭୁଷ କରଜ କୁନ୍ତେ

ଆରମ୍ଭିଲେ ତୁ ରୁଷାରେ ଚନ୍ଦ୍ରାନନା ଭରସା କେ ମୋ ରସାରେ ତେଜିଲେ ତୁ ମୋ କୋଳ କେତେ ମୋ ଧୃତି ବଳ ସହେ କି କରବାଳ କେଳି କମଳଦଳ

ଶ୍ୟାମ ବିନୟ ଭାଷାରେ ଚନ୍ଦ୍ରାନନା ମନ୍ଦ ମଧୁର ହସା ରେ ଭାଷିଲେ ପ୍ରିୟବାଣୀ ରସେ ସେ ସୁଲକ୍ଷଣୀ ରସିଲେ ମନ ଜାଣି ଶ୍ରୀ ଛୋଟରାୟ ଭଣି