Aha mo khanjanakhi
ଆହା ମୋ ଖଞ୍ଜନାକ୍ଷୀ
Text
Ghoṣā
ଆହା ମୋ ଖଞ୍ଜନାକ୍ଷୀ ଅନଙ୍ଗେ ମୋ ବିନା ଦୁଃଖୀରେ । ଅବନୀରେ ଢଳି ପଡ଼ିବାରୁ ତୋଳି ଧରୁଥିବେ ପ୍ରିୟସଖୀରେ
1
ଅହର୍ନିଶ ଝୁରି ଝୁରି ଅତି କୃଶ କୃଶୋଦରୀ ଇନ୍ଦୁକଳା ତନୁ ତାକୁ ନିନ୍ଦିବନି ତାର ତାର ତନୁଶିରୀରେ
2
ଅଶ୍ରୁଭରେ ନେତ୍ର ବେନି ଅବିରତେ ପୂରିବନି ଅସାର ମାର ଅକୂପାରେ ପଡ଼ିଣ ମୃଦୁହାସୀ ଭାସିବନିରେ
3
ଆଭରଣ ଦୂର କରି କେଉଁ କୁମ୍ଭପୟୋଧରୀ ଅମଳ ମୃଣାଳ ଖଣ୍ଡ ପାଣି ପିଣ୍ଡେ ମଣ୍ଡୁଥିବଟି କିପରିରେ
4
ଅବଧିରେ ତେଜି ଆଶା ଅଧିକରେ ଅଭରସା ଅତି ଶ୍ୱାସଖର ପଡ଼ୁଥିବ ପରା ହେବନି ଦଶମ ଦଶାରେ
5
ଅଷ୍ଟଦୁର୍ଗେଶ୍ୱର ଭଣି ଅଭିନବ ରାମାମଣି ଉମାଧବ କୃପା ସତେ ହେବ ଅବା ଜୀବ ଯିବା ଯାଏ ପୁଣିରେ