Kahinre mana sahi
କାହିଁରେ ମନ ସହି
Text
Ghoṣā
କାହିଁରେ ମନ ସହି ପ୍ରସନ୍ନ ହେଉନାହିଁ ଏଥିକି କହ କେଉଁ ଗତିକି ରେ କି କରି ଅରଜିବି କି କରି ବରଜିବି ସେ ନବଘନ ଶ୍ୟାମ ପ୍ରୀତିକି ରେ
1
ଯୁଗଠାରୁ ଅଧିକ ହୋଇଲାନି ପଲକ କେମନ୍ତେ ସମ୍ଭାଳିବି ଧୃତିକି ରେ ତ୍ରିଭୁବନ ମୋହନ ବିଷମ ବଂଶୀସ୍ୱନ କାହୁଁ ଚୁମ୍ବିଲା ମୋର ଶ୍ରୁତିକି ରେ
2
ଇନ୍ଦ୍ରନୀଳ କପାଟ ପୁଟରୁଚି ସେ ନଟବର ମୁକୁଟମଣି ହାତୀକି ରେ ମାନସେ ଭାବି ଭାବି କ୍ରମେ କି ଛାଡ଼ିଦେବି କୁଳବରତ ଜାତି ନୀତିକି ରେ
3
ଗରଳ ଗିଳି ଅବା ରବିନନ୍ଦନ ସେବା ବିଧିରେ ବଳାଇବି ମତିକି ରେ ଅବା ଶ୍ୟାମ ସଙ୍ଗତି ଲଭି ସୁଭାଗ୍ୟବତୀ ମଣ୍ଡଳେ ଟେକାଇବି ଛତିକି ରେ
4
ନିକୁଞ୍ଜେ ସେତେବେଳେ ଘେନି ବସିବି କୋଳେ ସେ ନବକିଶୋର ମୂରତିକି ରେ ପରତେ ନାହିଁ ମୋର କରତେ ମଦନର ବସିପାରିବି କି ବରତିକି ରେ
5
କହେ ଶ୍ରୀ ଛୋଟରାୟ ନୃପତି କୁବଳୟ ନେତ୍ରେ ଲପନ ନିଶାପତିକି ରେ ଦେଖାଇ ଦେଇ ଥରେ ଏବେ ଭାଗ୍ୟପଥରେ ପକାଇ ନେବେ ଅକୀରତିକି ରେ