Kunja nilaya bhusa re

କୁଞ୍ଜନିଳୟଭୂଷା ରେ ଅଞ୍ଜନପୁଞ୍ଜ ମସାରଘନକେଶା କଞ୍ଜଚନ୍ଦ୍ରମଦଗଞ୍ଜନାସ୍ୟରୁଚି କୁଞ୍ଜରଗତି ମନୋରଞ୍ଜନବେଶା

ଆସ ମୋ କୋଳରେ ବିରାଜ ଦାସର ସରିକି କରି କି ଲାଜ ବାସକୁ ପରିକର ଆଜ ନାଶ ଦୁଃଖସମାଜ ଧନ ମୋତେ ବାସବାଦି ପରିହାସ ଚତୁର କର ବରବରନା ବରନାଗରୀରାଜ

କୁନ୍ଦସୁନ୍ଦର ଦଶନାଳି ସୁନ୍ଦରୀମଣି ତୁ ମୋର ସଙ୍ଖାଳି ଚନ୍ଦନ ସଉରଭପାଳୀ କୁନ୍ଦନମୟମାଳି ବୃଷରବିନନ୍ଦିନୀନ୍ଦ୍ରମଣି ମଞ୍ଜୁଭୁଜଗଭୂରୁ ଚଳନୟନାଞ୍ଚଳ ଦେ ଥରେ ଢାଳି

ମାର ରଖିଛି ଶର ଶାଣି ତାର ତ ଚରିତ ଅଛୁ ପରା ଜାଣି ସାରକୁ ଘେନିଯିବ ଛାଣି କା’ର ସେ ରଖେ ଠାଣି ମୋର ହୃଦୟ ତାର ହାର ହୁଅ ଆରେ ସୁଗୁଣବତୀ ରତିଚତୁରା ନବପଲ୍ଲବପାଣି

କାଞ୍ଚନଗଉରୀ ବିଚାର ବଞ୍ଚନ ବିଧିକି ବିରଚିବାର ମୁଞ୍ଚ ଧନ ମୁଁ ପରିଚାର ମଞ୍ଚରେ ତ ତୁ ସାର ଅବିରତ ପଞ୍ଚବାଣ ରଣକୌଶଳ ପରିଚୟ କର ସୁରସାବର ସାର୍ଥରେ ମୋର

ଏପରି ନବଘନ ଶ୍ୟାମ ଚାଟୁ ବିରଚି ଲଭୁଁ ବିରାମ ସସ୍ମିତ ତରୁଣୀଲଲାମ ପୂରିଲେ ହରିକାମ ନୃପ ଜଗଦ୍ଦେବ ସେ ସମୟ ବେଶ ଲଳିତ -ପଦଯୁଗ ଯୁଗଳ ଜଳଜାବଳୀ ଦାମ