Kunda kali dasana
କୁନ୍ଦକଳିଦଶନା
Text
Ghoṣā
କୁନ୍ଦକଳିଦଶନା ନନ୍ଦନନ୍ଦନ ଶୋଭାକୁ ଅନାଁ ଗୋ
1
ଇନ୍ଦ୍ରନୀଳସାର ଶରୀର ଏହାର କଟିତଟପଟ ସୁନା ଗୋ ତ୍ରିଭଙ୍ଗୀରେ ଉଭା ହେବା ଛବିକି ମୁଁ ଲୁଚି ହୋଇଯାଏଁ କିନା ଗୋ
2
ଶରଦଚନ୍ଦ୍ର ବିମ୍ବରେ ଏ ଦ୍ୟୁତିରୁ ନାହିଁ ବୋଲି ଅଧ ଚିନା ଗୋ କମ୍ପୁଛି ଅଖଣ୍ଡ ଶିଖଣ୍ଡମଣ୍ଡନ ମୁକୁଟ କପଟବାନା ଗୋ
3
ମଧୁର ଅଧର ବଧୂଲୀକି ତହିଁ ମୁରଲୀ ମୋହନ ସ୍ୱନା ଗୋ କହି କହି କୁଳବ୍ରତ ଲତାମୂଳ ଏହି ଟାଳୁଅଛି ସିନା ଗୋ
4
ଶ୍ରୀଅଙ୍ଗ ଛୁଇଁ ଆସିବା ମରୁତର କରୁଅଛି ଆଶ୍ୱାସନା ଗୋ ମୃଗମଦସାର ଦଳ ଇନ୍ଦୀବର ମିଶାମିଶି ସୁବାସନା ଗୋ
5
କୁଙ୍କୁମ ଚନ୍ଦନ ମୃଗମଦ ଘନସାର ଶିର ଗୋରୋଚନା ଗୋ ଏହାଙ୍କୁ ସେବି କୃତକୃତ୍ୟ ହେବାକୁ କରିଛି ଧାତା ରଚନା ଗୋ
6
ଜଗତୀ ଧୃତି ବିଧ୍ୱଂସ ନୁହଇ ଏ ନେତ୍ରାଞ୍ଚଳ ଖେଳ ବିନା ଗୋ ବୋଲେ ଜଗଦ୍ଦେବ ଏଥୁଁ ମନୋଭବ ମାର୍ଗଞଣ କି ଶୁଣା ଗୋ