Chahan re nidhu bana keli kusalaku

ଚାହାଁରେ ନିଧୂବନ କେଳିକୁଶଳାକୁ

କୋମଳପାଦ ସରୋରୁହ ଯାବକ ଚିତ୍ରଶଳାକାଧରାକୁ ତୋ ମଧୁରାଧର ଲାଲ ଜବା ମକରନ୍ଦଝୁରା ଭ୍ରମରାକୁ

ନିର୍ଜିତ ଶୋଣସରୋଜକରେ କରୁ ଯା ସଜଡ଼ା ବିଡ଼ିଆକୁ ହୀରକ କୈରବ କାଶ ସୁଧାକର ହାସ ବିଳାସିନୀ ତାକୁ

ଚାରୁ ସୁନୀଳ ଚଳାଚଳ ଲୋଚନ ଦ୍ରୋଣ ନିଦେଶକରାକୁ ଚାମର ବାତଭରେ ରତି କୌତୁକ ସମ୍ଭବ ଖେଦହରାକୁ

ଶୈଳ ସହୋଦର ପୀନ ପୟୋଧର ଚନ୍ଦନ ଭୋଗଦିଆକୁ ମଞ୍ଜୁଳିମାଚଳ କକ୍ଷତଳେ ନଖକେଳିକଳା ହଟିଆକୁ

ବାନ୍ଧବି ଯଦ୍ୟପି ମାନସରେ ଅଛି ଲେଶ କୃପା କରିବାକୁ ରାଜକଦମ୍ବ କିରୀଟ ଜଳନ୍ତରନାଥ ମହୀମଘବାକୁ