Barijakhi manaru mana

ବାରିଜାକ୍ଷୀ ମନରୁ ମାନ ବାରି ଦେ ରେ ଦେଖ କାଳ ହେଲା କଳା ବାରିଦେ ରେ

ଦାସ ନାଶରେ ମାନସ । ବଳିଛି ଯେବେ ନାରୀଶ । କରଜ ନାରାଚ ମାରି ଚିରି ଦେ ରେ

ତୋ ଚରଣ ସେବା ଭଳି । ନୋହିଲି ଯେବେ ରେ ଆଳି । ଗାଳି ଦିଆଇ ମହତ ସାରି ଦେ ରେ

ଏବେ ବନ୍ଧୁ ଅନାଥରେ । ଦୟା ଥିଲେ ଅନା ଥରେ । କରୁଣା କଟାକ୍ଷ ନେତ୍ରେ ଠାରି ଦେ ରେ

ମହିଳାମଣି ଜଗତେ । ତୋ ବିନା ସାହା କେ ମୋତେ । ମାର ମୁଖୁଁ ବଞ୍ଚାଇବି ଗାରି ଦେ ରେ

ଦ୍ୱିଜ କବିରବି ବାଣୀ । ଶୁଣି ସେ ରମଣୀମଣି । ସ୍ନେହେ ଦ୍ରବି ବହିଗଲା ବାରି ଦେରେ