Mahi mandana tu na mara mara re

ମହୀ ମଣ୍ଡନା ତୁ ନ ମାର ମାରରେ

ଘେନ ତୋ ଅବଧାନେ ରସିଲି ମୁଁ କି ଆନେ ତୁ ଥାଉଁ ଥାଉଁ ଏ ସଂସାର ସାର ରେ

ବରଜି ମଣିପୁଞ୍ଜ ଅରଜିବାକୁ ଗୁଞ୍ଜ ଶିରୀଷ ଅଙ୍ଗୀ ଅଙ୍ଗୀକାର କାର ରେ

କିସ ମାନସେ ଭାଳି କରଜ କଳୀ ଚାଳି ଭରତି କଲୁଣି ଅଗାର ଗାର ରେ

କେଳି ଚଞ୍ଚଳତର ନେତ୍ର ଖଞ୍ଜନୁ ନୀର ବହେ କାହିଁକି ଆହା ଧାର ଧାର ରେ

ଆରେ ରତି ପ୍ରତିମା ଆଚର ଏବେ କ୍ଷମା ବହିବି ତୋ ହୁକୁମ ବାରବାର ରେ

ମୋ ଧନ ହୁଅ ରାଜି ମଦନ ବାଣ ବାଜି ହେଲାଣି ମୋ ହୃଦୟ ଆରପାର ରେ

ମୋ ସପତଟି ମଥା ଟେକି ଭାଷ ତୁ କଥା କହେ ଶ୍ରୀ ଜଗଦ୍ଦେବ ବାରବାର ରେ