Manarijha pirati ke
ମନରିଝା ପୀରତି କେ
Text
Ghoṣā
ମନରିଝା ପୀରତି କେ କଲାନି ମନା ଭିନ୍ନ କଲେ କରଇ ଦଇବ ସିନା
1
ଜାତି ନୀତି ଧନ ମହତ୍ତ୍ୱ ଗୁମାନ ତେଜିବାକୁ ଅଛି ଯାର ଆଲୋଚନା
2
ଚାର କି ଚାକର ଚାହିଁଲେ ତାହାର କରଇ ଯେ ପ୍ରଭୁ ସମ ସମ୍ଭାବନା
3
ଯା ଲାଗି ଯା ପ୍ରାଣ ଯିବ ଏ ପ୍ରମାଣ ଦେଲେ ଛାଡ଼ିବ କି ତା ତୁଳରେ ସୁନା
4
ନୟନ ଅୟନେ ଶୟନେ ସ୍ୱପନେ ନ ଦିଶଇ ଆନ ତା ମୂରତି ବିନା
5
ଯିବା ଯାଏ ଶିର ଯାର ଅଙ୍ଗୀକାର କଥା ପଦକୁ ଥାଇ କି ତା ଶୋଚନା
6
କହଇ ଗୋପାଳକୃଷ୍ଣ ସ୍ନେହଜଳ -ନିଧି କରିବେ କି ଜନେ ଅକଳନା