Sangini re rasa rangini re

ସଙ୍ଗିନୀ ରେ ରାସରଙ୍ଗିନୀ ରେ ଦୋଷ କ୍ଷମା କର ଜୀବବନ୍ଧୁ ରୁଷନା ରେ

ଯା କର ତୋ ପଦ ପଙ୍କଜ କିଙ୍କର ରଙ୍କରତନ ମୃଗାଙ୍କଲପନା ରେ ଶଙ୍କରଶତ୍ରୁ ନିଃଶଙ୍କରେ ଦହୁଛି ଅଙ୍କ ପର୍ଯ୍ୟଙ୍କ ମୋ ମଣ୍ଡୁ କିନା ରେ

ଯୋଡ଼ି ପାଣି ଜଣାଉଛି ରାମାମଣି ଧରଣୀରେ ନଖଗାର ଲେଖନା ରେ କିଣିଲା ଜନ ମୁଁ ତୋର ଆଜନମୁଁ ତଳୁ ତୋଳ ଚାରୁ ବେଣୀ ଲୋଟାନା ରେ

ମାନସରୁ ମାନ ସରୁ ସ୍ମର ଶରୁ ରଖ ନୂଆ ସରୁ ନୀଳବସନା ରେ ଜୀବଦା ପସରୁ ପୀୟୂଷ ହାସରୁ ଲବ ପ୍ରସରୁ ଖଞ୍ଜନ ନୟନା ରେ

ଗୋକୁଳ କୁଳଜା ପରିଷଦ ରାଜା ନ କଲେ କରୁଣା ମୁଁ ଜଣା ତୋ ନାଁରେ ରାଧେ ରାଧେ ବୋଲି ସୋରସୀ ସଲିଳରେ ଝାସିବାର ଶୁଣୁ ସିନା ରେ

ଅବନତ ହୋଇ ଧରୁ ପଦ ଦୁଇ ରାଧା ପ୍ରସନ୍ନତା କରି କଳନା ରେ ଗଲେ ନିଜ ନିଜ କୁଞ୍ଜେ ଆଳୀ ବ୍ରଜ ଗୋପାଳକୃଷ୍ଣ କରେ ଭାବନା ରେ