Mo nida kene delu bhangi re

ମୋ ନିଦ କେଣେ ଦେଲୁ ଭାଙ୍ଗିରେ ସ୍ୱପ୍ନ ଦେଖୁଥିଲି ଭଙ୍ଗୀରେ

ଭେଟିଲାକ୍ଷଣିରେ ଯାହା ବିଲୋକିଲି ଆହା ସେ ସଞ୍ଜର ପଙ୍ଗୀରେ ଭବ ପରାଭବି ଛବିର ଗରବ ଲବକରେ ଯିବ ଭାଙ୍ଗିରେ

ହସି ନେଲେ ଆସି ତଳପରେ ବସି ଲକ୍ଷମୂଳର ବରାଙ୍ଗୀରେ ନକ୍ଷତ୍ରମାଳା ବକ୍ଷରୁ ଦେଇ ମୋତେ କରୁଥିଲେ ସେ ଉତ୍ସଙ୍ଗୀରେ

ପରସିବା ବିଧି ସେ ଦିନ ବୋଲି ମୁଁ ଭାଳି ହେଉ ଉଦବେଗିରେ ହେଜି ଦିବ୍ୟ ଭୋଜ୍ୟ ସମ୍ପାଦି ଲଳିତା ତେଣେ ରହିଥିଲା ଜଗିରେ

ମାନ କରି ଆଜ ଦିନଯାକ ମୁହିଁ ହୋଇଥିଲି ବିପ୍ର ଯୋଗୀରେ ଦୟାଳୁ କଞ୍ଜସମ୍ଭବ ସଂବେଶରେ କରାଇଥିଲା ସଂଯୋଗୀରେ

ଗୋପାଳକୃଷ୍ଣ କହଇ ସାବଧାନ ହୁଅ ଚାରୁ ଚଳାପାଙ୍ଗୀରେ ଘନତମସୀରେ ପଞ୍ଚପାଳି ତଳେ ଦେଖୁଛନ୍ତି ଚଳ ବେଗିରେ