Daruna netrantaku mu enu daruthai

ଦାରୁଣ ନେତ୍ରାନ୍ତକୁ ମୁଁ ଏଣୁ ଡରୁଥାଇ

ଯହିଁକି କରଇ ମନା । ତହିଁକି କରି କାମନା । ଅଗମ୍ୟ ପଥକୁ ଗମୁଥାଇ

ଦେବତା ଦୁର୍ଲ୍ଲଭ ଚିଜେ । ଏ ପାପମନ ନ ବୁଝେ । ଆଶା କରି ଲୋଭେ ମରୁଥାଇ

ପଡ଼ିଲେ ବୁଡ଼ି ରହଇ । ଲୋଡ଼ିଲେ ମିଳଇ ନାହିଁ । କାନ ସେହୁ ରସେ ରସିଥାଇ

ମୃଗମଦ ନୀଳୋତ୍ପଳ । ତା ଶ୍ରୀଅଙ୍ଗ ପରିମଳ । ନାସା ମୋର ଆଶା କରୁଥାଇ

ତାର ଚର୍ବିତ ତାମ୍ବୂଳ । ଅଧ ଅଧରୁ କେବଳ । ଚାଖିବାକୁ ଜିହ୍ୱା ଝୁରୁଥାଇ

ବନମାଳୀ ବୋଲେ ମନ । ହେବାରୁ ତାର ଅଧୀନ । ଜୀଇବା ଭରସା ଦିଶୁ ନାହିଁ