Tore sarana gali re murali

ମୁରଲୀ ତୋରେ ଶରଣ ଗଲି ରେ ମୁରଲୀ ଦିନେ ନ ଡାକିବୁ ରାଧିକା ବୋଲି ରେ

ସେ ନନ୍ଦସୁତ ମୁଁ ରାଜକୁମାରୀ ବଂଶୀ ଦେଲୁ ସିନା ପରତେ କରି ରେ

ଲୁଚି ଲୁଚି ଯାଏ ସଖୀ ସଙ୍ଗତେ କି ଘେନି ଚିହ୍ନିଲୁ ମୁରଲୀ ମୋତେ ରେ

ଜାତି ତୋର କଣ୍ଟାବାଉଁଶ ଖଣ୍ଡ ଧ୍ୱନି ସଙ୍ଗେ ଥାଇ ପଞ୍ଚମ କାଣ୍ଡ ରେ

କୃଷ୍ଣ ହସ୍ତୁ ତୋତେ କେ ଦ୍ୟନ୍ତା ମୋତେ ଭସାଇ ଦିଅନ୍ତି ଯମୁନା ସ୍ରୋତେ ରେ

ମୁରଲୀ ରେ ତୋର ଏଡ଼େ ବଡ଼ାଇ ପତିବ୍ରତା ଦମ୍ଭ ଦେଉ ଛଡ଼ାଇ ରେ

ବନମାଳୀ ବୋଲେ ଯୋଡ଼ିଣ କର ମୁରଲୀଟି ଦୂତୀ ସିନା ତୁମ୍ଭର ରେ