Sakhi go mora kunjaku aja

ସଖୀ ଗୋ ମୋର କୁଞ୍ଜକୁ ଆଜ ଆସିବେ ପରା ସେ ନାଗରରାଜ

ଆଜ ତ ଏ ମୋର କେଳିମନ୍ଦିର ଦିଶୁଅଛି ସଖୀ କେଡ଼େ ସୁନ୍ଦର

ଭାଙ୍ଗି ରଖିଅଛି ବିଡ଼ିଆ ପାନ ଭୁଞ୍ଜିବେ ବୋଲି ମୋ ଜୀବନଧନ

ଗୋଳି ରଖିଛି ଏ ଚନ୍ଦନ ଚୂଆ ଲାଗି ହେବେ ମୋ ଭାବ ବିନୋଦିଆ

ଗୁନ୍ଥି ରଖିଛି ଏ କୁସୁମ ମଲ୍ଲୀ ମୋ ମନମୋହନ ପିନ୍ଧିବେ ବୋଲି

ଆଜ ତ ଗୋଧନ ବାହୁଡ଼ା ବେଳେ ମୋତେ ଅନାଇଁ ବିଜେ କରୁଥିଲେ

ଆଜ ତ ମୋହର କେଳିମାନସ ଦେଖି କାନ୍ତ ହେବେ କେଡ଼େ ହରଷ

ତୋତେ କି ଦିଶୁଅଛି ସଖୀ କହ ବୋଲେ ବନମାଳୀ ନାହିଁ ସନ୍ଦେହ