Sangini re jane kehi mo sange asa

ସଙ୍ଗିନୀରେ ଜଣେ କେହି ମୋ ସଙ୍ଗେ ଆସ ଆସ କେଳିମନ୍ଦିରକୁ ଯିବି ନ ବଳେ ମନେ ସାହସ

ମୋ ଲାଗି କୁଞ୍ଜବିହାରୀ ବସିଥିବେ ଅନୁସରି ସବୁ ବାଧା ବିଘ୍ନ ଲଙ୍ଘି ଭେଟିବଇଁ ପାଶ

ବାସକସଜ୍ଜା ସମ୍ଭାର ଯାବତ ତା ଉପଚାର ଘେନାଇଁ ହୁଅ ବାହାର ହୋଇ ଗୋ ଉଲ୍ଲାସ

ସୁବାସ ସୁମନମାଳା ମଣ୍ଡିବି ବନ୍ଧୁଙ୍କ ଗଳା ଖଣ୍ଡିବି ଅନ୍ତରୁ ମୋର ଏ ବିଚ୍ଛେଦ ତ୍ରାସ

ସେ ବୃନ୍ଦାବନ ମଦନ ଶୁଭେ କରି ଆଲିଙ୍ଗନ ଭାଷିବେ ପ୍ରୀତି ବଚନ ବଳାଇ ଆଶ୍ୱାସ

ବନମାଳୀ ଦାସ ଭଣେ ନବ ପରିଚାରୀ ପଣେ ଅନୁଗମିବି ଗହଣେ ମିଳୁ ଅବକାଶ