Sari bari bihara

ସାରି ବାରି ବିହାର ବିଜେ ବ୍ରଜ ରାମା ହୃଦହାର ଯେ

ବସି ମଣି ବିମାନର ବାମେ ସିନ୍ଧୁସୁତା ଦକ୍ଷିଣେ ଧରଣୀ -ଧର ପାଶରେ ଶଙ୍କର

କଟୀ ତଟେ ପୀତାମ୍ବର ଶିରେ ଜାମୁଡାଳି ମୟୂରଚନ୍ଦ୍ରିକା ନାସେ ଗଜମୋତିବର

ନାନା ରତ୍ନେ ଅଳଙ୍କାର କଣ୍ଠେ କଉସ୍ତୁଭ ମଣି ବିରାଜଇ ଯାଇ ଜୂଇ ମଲ୍ଲୀ ହାର

ମୋହନ ତ୍ରୈଲୋକ୍ୟସାର ସୁର ନାଗ ନର ଗନ୍ଧର୍ବ କିନ୍ନର ଖଟନ୍ତି ଚରଣେ ଯାର

ଆଗେ ଦାସୀ ନୃତ୍ୟକାର ଭକ୍ତଜନମାନେ ଧରିଣ ଅଛନ୍ତି ଖଦି ଆଲଟ ଚାମର

ସାରି ଚାରି ପଟୁଆର କଉତୁକେ ଢଳି ଢଳିଣ ଆସନ୍ତି ସଙ୍ଗେ ଘେନି ହଳଧର

ପ୍ରତିହାରୀ ଯେ ସୁଆର ମଣିମା ମଣିମା ଗୁହାରି ଶୁଣିମା ଡାକ ପଡ଼ଇ ଅପାର

ବିଜୟେ ସିଂହଦୁଆର ବନମାଳୀ କର ଯୋଡ଼ି ଜଣାଉଛି ଶରଣ ମୁଁ ନିରନ୍ତର