Hati basichi kisori
ହଟି ବସିଛି କିଶୋରୀ
Text
Ghoṣā
ହଟି ବସିଛି କିଶୋରୀ ଭେଟିବାକୁ ବଂଶୀଧାରୀ
1
ନ ଜଡ଼ାଇ ଚିତ୍ତ କାହିଁରେ ଗୋରୀ ରାଜଡ଼ା ଉପଚାର ପରିହରି ସଜଡ଼ାଇ ରଖିଥିବା ଘନସାର ଅଜଡ଼ାଇ ଦେଇକରି
2
ଝଡ଼ି ନୟନୁ ଅଶ୍ରୁଧାରା ବାରି ମାଡ଼ି ବସିଛି ଚିତ୍ତେ ଚିନ୍ତାଗିରି ଛାଡ଼ି ଦେଇଛି ଅଖିଳ ସୁଖ ଶିରୀ ଲୋଡ଼ି ତାହା ସଙ୍ଗଶିରୀ
3
ମନ୍ଦରଧରାକୁ ସଙ୍ଗରେ ଧରି ବୃନ୍ଦାବନେ ଭେଟାଇବା ଶ୍ରୀ ହରି ଫନ୍ଦା ସରିଯିବା ଠାରୁ ଆଉ ଅବା ନିନ୍ଦାକୁ କି ପାଇଁ ଡରି
4
ଦ୍ୱିଜ ରଘୁନାଥ ଚିତ୍ତେ ବିଚାରି ସଜନୀ ଲାଗି ମୁଁ ହେବି ସଞ୍ଚାରୀ ଆଜ ଭେଟାଇବି ବ୍ରଜରାଜ ଜେମା ଲାଜ ଭୟ ଦୂର କରି