To upama tuhi ramamani
ତୋ ଉପମା ତୁହି ରାମାମଣି ଏ ସଂସାରେ
Text
Ghoṣā
ତୋ ଉପମା ତୁହି ରାମାମଣି ଏ ସଂସାରେ
1
କର ତୁ ଏ ଅନୁମାନ ନାନା ବସୁସାରେ ତୋ ସମାନ ମନକୁ ନ ଆସଇ ସୁସାରେ
2
ରସିଥାଏ ଯେ ରସନା ସୁମଧୁର ସାରେ ଘେନ ତ ମୋ ଧନ ସେ କି ଖେଳଇ କଷାରେ
3
ମୋହନା ମୁଁ ତୋହ ଅନୁଗ୍ରହ ଭରସାରେ ପ୍ରମୋଦେ ଚାଲଇ ଦେଇ ପ୍ରପଦ ରସାରେ
4
ମନାଇଁ ତୁ ରସନ୍ତେ ମୋ ଉତ୍ସଙ୍ଗ ବସାରେ ବାସବ ମୋ ଦମ ନୁହେ ଅଖଣ୍ଡ ଦଶାରେ
5
ଭୁଲାଉ ନୟନେ ଯେବେ ଲହସା ଖୋଷାରେ ଫୁଲଇ ମୋ ଛାତି ଭଲେ କୁଲାଏ ଓସାରେ
6
ଉରୁବଶୀ ବେଶ ହେଲେ ତୋ ସାମ୍ୟ ଆଶାରେ ମରିବି ସେ ଉଲୀ ସତେ କି ଲୋକହସାରେ
7
ମଣ୍ଡୁଥାଉ ଓଷ୍ଠକୁ ଯେ ସୁମନ୍ଦ ହସାରେ ଜରଜର ହୁଏ ମୋ ନୟନ ଘନସାରେ
8
ଜଳନ୍ତରାଧିରାଜର ସସ୍ନେହ ଭାଷାରେ ତିନ୍ତିଲା ସୁଦନ୍ତୀ ଲଜ୍ଜାଭର ବରଷାରେ