E juba kalare kanta chhadi na ja

ଏ ଯୁବା କାଳରେ କାନ୍ତ ଛାଡ଼ି ନ ଯା ଦୂର ଦେଶ ସହି କି ପାରିବି କ୍ଷଣେ ଦୁଃସହ ବିଚ୍ଛେଦ କ୍ଳେଶ

ଦେଖ ବସନ୍ତ ଆଗତ ବହେ ଦକ୍ଷିଣା ମରୁତ ବନପ୍ରିୟ ପକ୍ଷୀ ରୁତ କଲେଣି ବୃକ୍ଷେ ବିଶେଷ

ଚନ୍ଦନ ରଜନୀକର ମୋ ପକ୍ଷରେ ହେବ ଗର ଜାଣି ଜାଣି ହାଣି ମୋତେ ସ୍ମରାନଳେ ନ ନିବେଶ

ଭାଳି ଭାଳି ଅହରହ ବଳି ପଡ଼ିବ ବିରହ ଜହର ସମାନ ହେବ ଅଶନ ବସନ ବେଶ

ଏ ପିଣ୍ଡେ ପରାଣ ଧରି ରହିବି ମୁହିଁ କିପରି ତୁମ୍ଭ ଗୁଣ ଗୁଣି ଗୁଣି ଜୀବନ ହେବ ନିଃଶେଷ

ବୋଧି ବନମାଳୀ ଭଣେ ଦୁଃଖ କରୁ କି କାରଣେ ତୋ ପାଶେ ଭେଟିବ ଧନ ବରଷା ନୋହୁଁ ପ୍ରବେଶ