Dinabandhu ehi ali sri chhamure

ଦୀନବନ୍ଧୁ ଏହି ଅଳି ଶ୍ରୀଛାମୁରେ ଶ୍ରୀରଙ୍ଗା ଚରଣ ସେବାରେ ମୋ ମନ ରହିଥାଉ ନିରନ୍ତରେ

ଦାନା କନା ପଛେ ମନା ହେଉ ମୋତେ ନୀଳଚକ୍ର ବାନା ଚାହିଁ ସୁଖୀ ହେଉଥିବି ଅଖିଳପତି ହେ ନିର୍ଦ୍ଦୟ ହୋଇବ ନାହିଁ

ବାର ମାସେ ତେର ଯାତ୍ରା ଦେଖୁଥିବି ଶ୍ରୀକ୍ଷେତ୍ରେ ହୋଇ ଭିକାରୀ ସାଧୁ ସନ୍ଥଙ୍କର ବୋଲାଇ କିଙ୍କର ମାଗୁଥିବି ମଧୁକରୀ

ଆନନ୍ଦ ବଜାରେ ବୁଲିଣ ମଜ୍ଜାରେ ଗାଉଥିବେ ତୋର ନାମ ତୋ ପ୍ରେମ ସାଗରେ ବୁଡ଼ି ଯାଉଥିବି ବୋଲି ହରେ କୃଷ୍ଣ ରାମ

ଏଥି ପାଇଁ କୁଳ ମୂଳ ହରାଇଛି ସାଥୀ କରି ତୋତେ ଏକା ଦାସ ବନମାଳୀ ଦୋଷ ନ ଧରିବୁ ଗୋବର୍ଦ୍ଧନ ଗିରିଟେକା