Kahin se mora kisori
କାହିଁ ସେ ମୋର କିଶୋରୀ
Text
Ghoṣā
କାହିଁ ସେ ମୋର କିଶୋରୀ ଯାଏ ମୋ ପରାଣ ଛାଡ଼ି ମାରଇ ମୋତେ ଶମ୍ବରାରି
1
ନୟନ ମୋ ପିପାସିର ଖୋଜେ ତାକୁ ଅବିରତ ଦେଖୁ ଦେଖୁ ଗୋଟିଯାକ ପିଇଦେବିକି ରୂପ ମାଧୁରୀ
2
ହୃଦରୁ ଉଠେ ଉଚ୍ଛ୍ୱାସ ଘନ ଘନ ବହେ ଶ୍ୱାସ ଲୋଡ଼େ ଏକା ତା ସଙ୍ଗତି ଆହା ସେ ରାଜକୁମାରୀ
3
ପାଇଲେ ତାର ଶ୍ରୀଅଙ୍ଗ ଯୋଡ଼ିଦେବି ମୋର ଅଙ୍ଗ କିବା କରିବ ଅନଙ୍ଗ ଧରାଇ ବିରହ ବାଂଶରୀ
4
ବନମାଳୀ ଦାସ ଭଣି ଶୁଣ ହେ ମୁରଲୀପାଣି ତୁମ୍ଭ ଲାଗି ଠାକୁରାଣୀ ବସିଛନ୍ତି ଧ୍ୟାନ କରି