Syama sikhanda chula
ଶ୍ୟାମ ଶିଖଣ୍ଡ ଚୂଳ
Text
Ghoṣā
ଶ୍ୟାମ ଶିଖଣ୍ଡ ଚୂଳ ଶ୍ରମ କି ଆଜ ଯାକେ ହେଲା ସଫଳ
1
ଶର୍ବରୀ ନିଦ୍ରା ବିନା ଗଲା କି ସରି ଶମ୍ବରପର ପୁର କଲ କି ଜୂରି
2
ଶ୍ରୀଅଙ୍ଗ ବେଶ କିମ୍ପା ଏପରି ଆଜ ଶରଦଚନ୍ଦ୍ର ଚୁମ୍ବୁ ନାହିଁ କି ଲାଜ
3
ଶିଶୁ ହେଲେହେଁ ତୁମ୍ଭେ କଲଭ ସରି ଶଶ କିଶୋରୀଟିକି ଦେଲ ଯେ ସାରି
4
ଶିରୀଷ ମାଳା ଦଳିଦେଇ କୁଠାରେ ଶଙ୍କା ନ କଲ ସଖୀମାନଙ୍କ ଠାରେ
5
ଶରମପ୍ରଦ ଆଜ ସରିକି ହେଲା ଶମନ ସ୍ୱସା ତଟ ଅଟବୀ ବୁଲା
6
ଶିର ସୁନ୍ଦର ଦିଶେ ଯାବକ ବୋଳେ ଶରଣ ବୋଲି କି ପଡ଼ିଲ ପା’ତଳେ
7
ଶପଥ ଶତ ଶତ କହଟି ସତ ଶ୍ରୀ ବାଲୁଙ୍କେଶ ନୃପ ରଚିଲେ ଗୀତ