Sri radha gobinda kebe dekhaiba

ଶ୍ରୀ ରାଧାଗୋବିନ୍ଦ କେବେ ଦେଖାଇବ ଶ୍ରୀମୁଖ ଦ୍ୱନ୍ଦ୍ୱ ଯେ

ରାସ ଅବସାନେ ପୁଷ୍ପ ଶେଯରେ ବିଜେ କରି ଗୋକୁଳେନ୍ଦୁ ଅଙ୍କରେ ପ୍ରାଣନାଥ ହୃଦେ ପହୁଡ଼ିବାର

ନାଗରେନ୍ଦ୍ର ଚାହିଁ ସେ ଶ୍ରୀମୁଖକୁ ହସିବାର ଭିଡ଼ି ରଦ ବାସକୁ ଦେଖି ଲଳିତାଦି ସୁଖସିନ୍ଧୁରେ ରହିଥିବେ ଯେ ମଜ୍ଜି ଆନନ୍ଦରେ

କରୁ ଖସି ପଡ଼ିଲା ସରୋରୁହ ହସି ବିଶାଖା କଲାର ସଂଗ୍ରହ ଦେଖାଇବ ବିହି କେଉଁ କାଳରେ ବିଞ୍ଚୁଥିବି ମୁଁ ପୁଷ୍ପ ବ୍ୟଜନରେ

ଅଙ୍ଗ ପରିମଳରେ ଆସୁଁ ଅଳି ନିବାରିବାର ପ୍ରିୟ କର ଚାଳି ଶ୍ୱାସବଶେ ନାସାପୁଟ ମୁକୁତା ମନ୍ଦ ମନ୍ଦ ଚଳନ ରୁଚିକରତା

କୁଞ୍ଜବିହାରୀ ନେତ୍ର ପୁଣ୍ୟ ପୁଞ୍ଜ ସେହିକ୍ଷଣି ହେଲା ପରି ବିଭ୍ରାଜ୍ୟ ଆହା ନବୀନ କଳା କାଦମ୍ବିନୀ ମଧ୍ୟେ ସ୍ଥିର ହେଲାପରି ଦାମିନୀ

ହସି ଲଳିତା ନିକଟକୁ ଆସି ଚାରୁ ଚିବୁକେ ସ୍ୱକର ନିବେଶି ଉଠାଉଁ ସେ ଶ୍ଳିଷ୍ଠ ବାଣୀ ବାଉଳି କହିବାର ସେ ପ୍ରାଣନାଥ ବୋଲି