Bata chhada suhata nagara

ବାଟ ଛାଡ଼ ସୁହଟ ନାଗର ଯମୁନା ଯିବି ନୀର ଆଣିକି ଘାଟ ପାଇଁ ଯେବେ ଲଟ ଲଗାଇବ ପ୍ରୀତିବନ୍ଧା ଦେବି ମଥାମଣିକି

ଘରେ ମୋ ନଣନ୍ଦ ଅଟେ ବଡ଼ ମନ୍ଦ ଶାଶୁ ମୋ ଅଟଇ ସପତଣୀକି ଆହେ ଗିରିଟେକା ନ କର ତୁ ଡକା ତୁମ୍ଭ ଲାଗି ନ ଆସିବି ଏଣିକି

ମୁହିଁ ବୃଷଭାନୁ ନୃପତିଙ୍କ ଜେମା ଆନ ପ୍ରାୟେ ମୋତେ ଅଛ ମଣିକି ଧରି ମୋ ଅଞ୍ଚଳ କରୁଛ ଜଞ୍ଜାଳ ଡର ନାହିଁ ପର ଭୂଆସୁଣୀକି

ମୁଁ ଯେବେ ଏଥର ଆସିବି ପାଣିକି ସଙ୍ଗେ ଆଣିଥିବି ସଖୀ ଶ୍ରେଣୀଙ୍କି ବୋଲେ ବନମାଳୀ ଶୁଣ ଠାକୁରାଣୀ ନିରାଶ ନକର ବେଣୁପାଣିକି