Priti kari kaha pase
ପ୍ରୀତି କରି କାହା ପାଶେ
Text
Ghoṣā
ପ୍ରୀତି କରି କାହା ପାଶେ ପୁହାଇଲ ନିଶା ତୋଷେ
1
ପରିଣତ ବିମ୍ବ ଅଧରେ କାହାର ରଦନ କ୍ଷତ ବିକାଶେ ପଲ୍ଲବ ବିଜୟୀ କର କାହା କୁଚ କୁଙ୍କୁମେ ଅଙ୍କିତ ଦିଶେ
2
ପଡ଼ି କା ଚରଣେ ଶିଖଣ୍ଡ ମୁକୁଟ ରଙ୍ଗ କଲ ଲାକ୍ଷା ରସେ ପରିରମ୍ଭ କଲ କାହାର ବଳୟ ଚିହ୍ନ ଦିଏ ବେନି ପାଶେ
3
ପାଲଟ କରି କେଉଁ ସହଚରୀର ଚିତ୍ତକୁ ସମ୍ଭ୍ରମେ ବାସେ ପିନ୍ଧିଅଛି ନିଜ କଟିତଟେ ଆଜ ଚାହିଁକି ସୁନ୍ଦର ଦିଶେ
4
ପାନବୋଳା ଗଣ୍ଡେ ଲଲାଟେ ସିନ୍ଦୁର ଲାଗି ତ ଅଛି ବିଶେଷେ ପରୁଆ ନ କର ଚିତ୍ତରେ ତୁମ୍ଭର ଜନାପବାଦକୁ ଲେଶେ
5
ପ୍ରତି ଅଙ୍ଗ ଯାକ କି ଶୋଭା ଦିଶଇ କରଜ କ୍ଷତ ବିଳାସେ ପ୍ରେମଭରେ ହରିଚନ୍ଦନ ଭାବଇ ସେ ରୂପ ନିଜ ମାନସେ