Nanda suta chhandare kali
ନନ୍ଦସୁତ ଛନ୍ଦରେ କାଲି
Text
Ghoṣā
ନନ୍ଦସୁତ ଛନ୍ଦରେ କାଲି କି ଯୋଗରେ ସଖୀ ମୁଁ ପଡ଼ି ଗଲି
1
ଏକା ହୋଇ ଗଲି ଯମୁନା କେଳି ନୀପ ମୂଳରେ କହ୍ନା ଉଭା ହୋଇଥିଲା ଶୋଭା ଚାହିଁ ଭଲା ଲୋଭା ହୋଇ ଧୈର୍ଯ୍ୟ ହଜାଇ ଦେଲି
2
ତାର ବଂଶୀ ସ୍ୱନକୁ ଶୁଣି ନ ଚଳିଲା ମୋ ପାଦ ପାଣି ଲଭିଲି ବିଷାଦ ମନେ ହେଲା ଖେଦ ବିବେକ ହରାଇ ଦେଇ ବସିଲି
3
କେତେବେଳେ ମୋହନ ବଂଶୀ -ଧାରୀ ମୋହ ପଛରୁ ଆସି ବେନି କରେ ମୋର ବେନି ଚକ୍ଷୁ ବୁଜି ନ ଛାଡ଼ିଲେ ଯେତେ ବିନୟୀ ହେଲି
4
ବୋଇଲେ ତୁ ନିୟମ କର ମୁଁ ତୋ ହୋଇଥିବି ଚାକର ତେବେ ନୟନରୁ ଛାଡ଼ିଦେବି କର ବେଣୁଧର ବୋଲେ ସମ୍ମତ କଲି