Guna nidhi labanya lahari re

ଗୁଣନିଧି ଲାବଣ୍ୟଲହରୀ ରେ ମୋ ରାଣଟି କହ କହ ଦିବ୍ୟ ଅବଧାନେ ଯେବେ ହେଲେ ଧାନେ ଅଛି ମୋରେ ଅନୁଗ୍ରହ

ଲୀଲା ସଉଧରେ ଆରମ୍ଭି ଥିଲୁ ତ ବିଳାସ ମଧୁର ଗାନ ହରିଣାଙ୍କ ବିମ୍ବ ଚାହିଁ କିପାଁ ବିମ୍ବ -ଅଧରା ହେଲୁ ମଉନ

ଶଶାଙ୍କ ନିବାସ ଛାଡ଼ି କରି ଶଶ କଲେ ଶ୍ରୀମୁଖ ଆଶ୍ରୟ ବିମଳ ବଦନ ହେବ ସଲାଞ୍ଛନ ବୋଲି ଲଭିଲୁ କି ଭୟ

ପଲକେ ପଲଙ୍କେ ମୁଁ ପ୍ରିୟଙ୍କ ଅଙ୍କେ ନିଶି ନୋହିଥିଲେ ସ୍ଥିତ ଏହି ନିଶାଚର ପିଅଇ ରୁଧିର ବୋଲି ହେଲୁ କି ଚକିତ

କରକଶତର ଅକର୍ମ ପଥର ଦ୍ରବାଏ ମୋ କଣ୍ଠ ଧ୍ୱନି ପୀୟୂଷ ମୃଦୁଳ ବିଧୁର କି ବଳ ବିଚାରି ହେଲୁ କି ତୁନି

ଅଷ୍ଟଦୁର୍ଗ ପତି ବୋଲେ ଗଜଗତି ନ କରି କପଟ ଲେଶ କରି ଚନ୍ଦ୍ରାଲୋକ ତୁ ହେବାରୁ ମୂକ ହୁଏ ସନ୍ଦେହ ଅଶେଷ