Manini radhe nikunje asa
ମାନିନୀ ରାଧେ ନିକୁଞ୍ଜେ ଆସ ଗୋ
Text
Ghoṣā
ମାନିନୀ ରାଧେ ନିକୁଞ୍ଜେ ଆସ ଗୋ କହିଛନ୍ତି ପୀତବାସ ବସିଛନ୍ତି ଭାଳି ତୋର ଗଳାମାଳି ହାହା ପ୍ରିୟେ ବୋଲି ତେଜି ଦୀର୍ଘ ନିଶ୍ୱାସ
1
ସେ ନନ୍ଦନନ୍ଦନ ମୁରଲୀ ବଦନ ମଦନେ କଦନ ଲଭୁଛନ୍ତି ଧନ (ପଡ଼ି) ତେଜ ତେଜ ମାନ ମୋ ମିନତୀ ଘେନ ଗତି ନାହିଁ ଆନ ନ କରରେ ନିରାଶ
2
ସେ ଶ୍ୟାମଳ ଶଶୀ ନୀଳକଇଁ ବାସୀ ହେଲା ପରି ଦିଶି ଗଲେଣି ସୁକେଶୀ (ପଡ଼ି) ରାଧାର ମୁଁ ଦୋଷୀ ବୋଲି ଦିବା ନିଶି ହେଉଛନ୍ତି ଘୋଷୀ ଆକୁଳେ ଲଭି ତ୍ରାସ
3
ସେ ଗୋପ ସଙ୍ଖାଳୀ କାହ୍ନୁ ବନମାଳୀ କେତେ ନିଉଛାଳି ହେଲେ ଧନମାଳି (ପଡ଼ି) ନେତ୍ରୁ ଅଶ୍ରୁ ଢାଳି ତୋ ନାମକୁ ମାଳି କରି ଭାଳି ଭାଳି ଆହା ଲଭେ କି ପ୍ରାସ
4
ଦୂତିକା ଦଇନୀ ମାନି ବିନୋଦିନୀ ସର୍ବ ସଖୀ ଘେନି ଚଳିଲେ ସେକ୍ଷଣି (ପଡ଼ି) ବେଣୁଧର ଭଣି ଚିନ୍ତି ଚିନ୍ତାମଣି ସେ ଯୁଗଳ ଠାଣି ଦେଖି ଲଭିବି ତୋଷ