Sri radhe mora daini ete

ଶ୍ରୀ ରାଧେ ମୋର ଦଇନୀ ଏତେ ସେବା ପରିଚାରୀ ହେବି ଦେହାନ୍ତେ

କରୁଣାମୟୀ ଗୋ ଅରୁଣାଧରୀ ମଣିବ ସଖୀଙ୍କ କିଙ୍କରୀ କରି

କୁଞ୍ଜ ଅଭିସାରେ ଥିବି ଗହଣେ ନ ହୋଇବି ଛାମୁଛଡ଼ା ମୁଁ କ୍ଷଣେ

ପହଣ୍ଡମଣା ନଉକରୀ ପଣେ ଆଳିଗଣେ ମୋତେ ଗଣିବ ଜଣେ

ରବି ପୂଜା କାଳେ ଘେନିବ ସଙ୍ଗେ ଅଙ୍ଗରାଗ ଲେପିବାକୁ ଶ୍ରୀଅଙ୍ଗେ

ରଚିବା ପାଇଁକି ବେଶ ବିଧାନ ମୋ ପ୍ରତି ହେବ ଦିବ୍ୟ ଅବଧାନ

ନିଭୃତ ନିକୁଞ୍ଜେ ଯୁଗଳ ଠାଣି ଦରଶନେ ହେବି ମନ ଫୁଲାଣି

କାକୁସ୍ଥେ କହେ ବନମାଳୀ ଦାସ ଏ ଦିନୁ ନାହିଁ ଆନ ଅଭିଳାଷ