Bichitra kathae suna sakhi
ବିଚିତ୍ର କଥାଏ ଶୁଣ ସଖୀ
Text
1
ବିଚିତ୍ର କଥାଏ ଶୁଣ ସଖୀ ବ୍ରହ୍ମାଣ୍ଡ ଯାକେ ନ ଥିବେ ଦେଖି କାହାଗେ କହିବି ନ ବୁଝନ୍ତି କେହି ଏହି ଭାବରେ ମୁଁ ଗଲି ଶୁଖି
2
ପ୍ରିୟ ଚିତ୍ତ ଚିତ୍ର ଅଳଙ୍କାର ଅନାଇ ଲୋଭ ବଢ଼ିଲା ମୋର ମୋର ମନ ମଣି ବନ୍ଧା ରଙ୍ଗେ ଅଣି ମଣ୍ଡିହେବି କଲି ଏ ବିଚାର
3
ଭଲ ଲୋକ ପରି ପାଶେ ଦେଖି ଖଳ ମଦନକୁ କଲି ସାକ୍ଷୀ ଦେଲି ମୁଁ ନବ ଲାବଣ୍ୟ କଳନ୍ତର ଭୋଗ କରୁଥାଅ ବୋଲି ଲେଖି
4
ଏବେ ସେ ଚିତ୍ତ ଅନ୍ତରହିତ ହରାଇଲି ମାତ୍ର ନିଜ ବିତ୍ତ ଯେ ଗଲା ସେ ଯାଉ ପଛକେ ମୋ ଚିନ୍ତା ନାହିଁ ଶୁଣ ଏବେ ବିପରୀତ
5
ସଖୀ କିମ୍ପାଇଁ ସନ୍ତତ ଚଳି କମ୍ପାଇ ତନୁ ଦେଉଛି ଦଳି ବନମାଳୀ ବୋଲେ କା ଆଗେ କହିବି ରସନା ନାଶିଲେ ଦନ୍ତାବଳୀ