Aha sasi badana
ଆହା ଶଶୀବଦନା
Text
Ghoṣā
ଆହା ଶଶୀବଦନା ଏ ମୋ ନାଶିବ ଅଶିବ ଅଶ୍ରୁ ନ ବରଷିବ ଦିଶିବ ସବୁ ଶିରୀ ବସି ତୋ ଗୁଣ ସ୍ମରି ଶିଶିରେ ପଦ୍ମ ପରି ନାଶିବ
1
ହସି ବଚନ କେବେ ଭାଷିବ ଅସିତକେଶୀ ଦୁଃଖ ନାଶିବ ରୁଷି ବସନା ସହି ଭାସିଲେ ଥରେ ମୁହିଁ ଆସି ବିବେକ ତାପ ଧ୍ୱଂସିବ
2
ପୋଷିଲା ଜନ ଯେବେ ନାଶିବ ଋଷିମୋହିନୀ ନିନ୍ଦା ଦିଶିବ ମିଶି ମୋ ଅଙ୍କେ ଆସି ହସି ଅଳ୍ପେ ନ ଭାଷି ବସିଲେ ମାର ଅହି ଦଂଶିବ
3
ରସି ସୁରତେ ଯେବେ ରସିବ କଷିଲା ସ୍ମରକାଣ୍ଡ ଖସିବ ପେଷି ହୋଇଲି ଏଣୀଦୃଶୀ ମୋ କଣ୍ଠ ଶ୍ରେଣୀ ପଶି କି କାମଭୂତ ଗ୍ରାସିବ
4
ଦୋଷୀ ହୋଇଲ ଏହା ଭାଷିବ ଭୂଷି କରଜେ ଅଙ୍ଗ ଚଷିବ ତୃଷିତ ମୁହିଁ ଚିର ନିଶି ଦିବସେ ଦର ହାସୀ ବନମାଳୀକି ତୋଷିବ