Rahi syama bandhu asare
ରହି ଶ୍ୟାମ ବନ୍ଧୁ ଆଶାରେ
Text
Ghoṣā
ରହି ଶ୍ୟାମ ବନ୍ଧୁ ଆଶାରେ ମୁଁ ସହି ସହିଲି କି ଦଶାରେ ମୁଁ
1
ଅସରା ହେଲା ଗୋ ନିଶି ବାସର ଅସରା ନୟନ ଲୋତକ ଧାର ପଶରା ନ କରି କଳଙ୍କ ପସରା ଭରା ସହିଲି ମୁଁ ରସାରେ ଗୋ (ପଡ଼ି) କୁଞ୍ଜବନେ ସାଜି ସୁମନ ଶେଯରେ ସଞ୍ଜ ବିତେ ନିତି ସତେ କି ଲାଜରେ ଖଣ୍ଟ ଶଠ ସେ ତ ନିପଟ ଲମ୍ପଟ ବାର ବାର ଠିକ ସରିଲି ଲୋକ ହସାରେ
2
ଗରୁଆ ହେଲାଣି ବସନ ବେଶ ମରୁଆ ଚନ୍ଦନ ସତେ ମୋ ବିଷ ଧରୁ ତ ମୋ ସରି ଧୃତି କେ ଯୁବତୀ ହେରି ଶଶୀ ଶିରୀ ନିଶାରେ ଗୋ (ପଡ଼ି) କାରଣ କି ଅଛି ଯଉବନେ ମୋର ବାରଣ କରିବୁ ତୁ ଆସିଲେ ନାଗର ଗୁନ୍ଥାଫୁଲ ହାର ବିଡ଼ିଆ କର୍ପୂର ଯା ରେ ସଜନୀ ଯମୁନା ନୀରେ ଭସାରେ