Nanda kisora pari
ନନ୍ଦ କିଶୋର ପରି ଗୋ କିଶୋରୀ
Text
Ghoṣā
ନନ୍ଦ କିଶୋର ପରି ଗୋ କିଶୋରୀ ଖୋଜିଲେ ନ ଥିବ ଚଉଦପୁରୀ
1
କେତେ କାଳ ବସି ବିହି ଯତନେ ସଜାଡ଼ିଲା ତନୁ ନୀଳ ରତନେ ଅଳପ ଅନାଇଦେଲେ ଅପାଙ୍ଗେ ଅଙ୍ଗଯାକ ପୂରି ରହେ ଅନଙ୍ଗେ ଗୋ
2
ନୟନ ମୁନ ତା ମଦନ ଛୁରୀ ଦୁଃଖ ସୁଖ ତହିଁ ରହିଛି ପୂରି ଥରେ ଚାହିଁଦେଲେ ଅଳପ କରି ଜୀବ ଥିବାଯାକ ନୁହେଁ ପାଶୋରି ଗୋ
3
ଫୁଲକାଣ୍ଡ ଚାରୁ କୋଦଣ୍ଡ ପରି ଭ୍ରୂଲତା ନେତ୍ର ତା ନଚାଏ ଧରି ଧଇର୍ଯ୍ୟ ନ ରହେ ଚାହିଁଲେ ଦୂରୁ ବରତି ଯିବ କେ ଶ୍ୟାମ ଆଗରୁ ଗୋ
4
ଗୋପାଳୀ କୁଳଙ୍କ କୁଳ ବଡ଼ାଇ ନାଗରରାଜା ଦେଲେଣି ଛଡ଼ାଇ ବିଷ ପରି ହେଲା ଲୋଭ ମୁହାଁସ ସନ୍ତତ ନୟନେ କଲାଣି ବାସ ଗୋ
5
ବନମାଳୀ ବୋଲେ ମୋହନ ଦେହ ମୋହିନୀ ମାନଙ୍କୁ କରଇ ମୋହ କିଞ୍ଚିତ ବନିତା ହେବାର ବଶ ଅନାଇଁ ପଶୁଏ ସ୍ଥଳିତ ଦୃଶ୍ୟ ଗୋ