Syama apabada mote lagithau
ଶ୍ୟାମ ଅପବାଦ ମୋତେ ଲାଗିଥାଉ
Text
Ghoṣā
ଶ୍ୟାମ ଅପବାଦ ମୋତେ ଲାଗିଥାଉ ରେ ପ୍ରାଣସହି ନିତି ସେହି ଚିନ୍ତାରେ ମୋ ଦିନ ଯାଉ ଗୋ
1
ଚାହିଁଦେଲେ ଥରେ ସେ ଶ୍ରୀମୁଖ କୋଟିଏ କୋଟି ଜନ୍ମର ଦୁଃଖ ଲିଭିଯାଉଛିରେ ପରାଣ ମିତଣୀ ଯେ ଯେତେ ବୋଲିବ ବୋଲୁଥାଉ
2
ବିନୟ ବାରାଧି ମୃଦୁବାଣୀ ଶ୍ରୁତିପଥରେ ଯେ ଥିବ ଶୁଣି ପୀୟୂଷାଶନ ଜନଙ୍କୁ ଧନ୍ୟ ବୋଲି ବୋଲିବ କି ତା ମୁଖରେ ଆଉ
3
ବାଡ଼ଭିତ୍ତିକି ବୋଇଲା ପରି ବୋଲୁଥିଲେ ହେଲେ ବ୍ରଜନାରୀ ଶୁଣି ନ ଶୁଣିଲା ପରି ମୁଁ ଯାଉଛି ଆଡ଼ ଉହାଡ଼ରେ ଶବଦାଉ
4
ଗୋପାଳକୃଷ୍ଣ ବୋଲଇ ଧୀରେ ବାଚାଳୀ କୁଟିଳା ଚାପଲ୍ୟରେ ବରଜ ନଗରଯାକ ସ୍ଫୁଟ ହେଲା ସଦାବେଳେ ହେଉ ରାଉରାଉ