Chhaila more chhauli chhada
ଛଇଳା ମୋରେ ଛାଉଲି ଛାଡ଼
Text
Ghoṣā
ଛଇଳା ମୋରେ ଛାଉଲି ଛାଡ଼ ଛଦ୍ମ ନୀରେ ନିରନ୍ତରେ ନ ବୁଡ଼
1
ଛାମୁରେ ଥିବା ସହଚରୀଗଣେ ଛାଇ ତୁ ପରା ମୋ ଅନୁସରଣେ
2
ଛଣା ପୀୟୂଷ ପରି କହି ଆଣି ଛପାଇ ଦେଉଛୁ କାହିଁକି ପୁଣି
3
ଛାପ ଦେଇ ଲଘୁ ନ କର ହେଳେ ଛତି ଟେକାଇ ଦେ ତରୁଣୀ କୁଳେ
4
ଛିଦ୍ରଭେଦ ଘେନିବାକୁ ମୋହର ଛକେ ଛକେ ଜଗିଅଛନ୍ତି ଚର
5
ଛୁଇଁ ଦେଇ ନୀଳ ଛବି ବାସନା ଛଟପଟ ହୋଇ ମରିବ ସିନା
6
ଛାତି ଭିତରୁ ଧୃତି ଗଲା ସରି ଛଳ ଛାଡ଼ି କୋଳ କଲେ କିଶୋରୀ
7
ଛୁଟିଲା ଶଙ୍କା ସଖୀ ହୃଦୟରୁ ଛ ଏକ ପଦେ କହେ ରାୟଗୁରୁ