Nahin kari nahin ta mun

ନାହିଁ କରି ନାହିଁ ତ ମୁଁ କାହିଁକି ଗୋ ରାଣ

ତାଙ୍କ ସୁଖ ପାଇଁ ସିନା ଶଙ୍କରଙ୍କ ଉପାସନା ଏ ଦେହ ଏ ଭୋଗ ଏ ପରାଣ

ଶ୍ୟାମ ମୋର ଉନ୍ମାଦକ ଶ୍ୟାମ ମୋ ଗଳା ପଦକ ଶ୍ୟାମ ତ ମୋ ହୃଦ ପଞ୍ଚବାଣ

ବ୍ରଜବନ୍ଧୁ ମୋ ରତନ ମୋ ସେବାର ବରତନ ସେହି ତ ମୋ ବରତ ବସାଣ

ମନ ଜାଣି ଅଛି ଭଜି ଜାଣି ଜାଣି ମୋ ମରଜି ଧନ ମୋର କେଡ଼େ ଅବୁଝାଣ

ଦୁଃଖ ଥିବ ପରା ମନେ ତାଙ୍କ ପଦକଞ୍ଜ ସ୍ତନେ ଲଗାଇ ଚୁମ୍ବାଇଦିଅ ଆଣ

ନୃପ ଜଗଦ୍ଦେବ ଭାଷେ ମୋ ବେଶ ସେ ମୋ ଶୋଭା ସେ ତାହା ବାହାରେ କେ ପରିତ୍ରାଣ