Syama bandhu mohini kala
ଶ୍ୟାମ ବନ୍ଧୁ ମୋହିନୀ କଲା
Text
Ghoṣā
ଶ୍ୟାମ ବନ୍ଧୁ ମୋହିନୀ କଲା ଚାହିଁବା ମାତ୍ରକେ ମନ ମୋହିଲା
1
କାଳିନ୍ଦୀ କୂଳରେ କଦମ୍ବ ମୂଳରେ ତ୍ରିଭଙ୍ଗିମା ରୂପ ଭଲା ହୋଇଲା ସ୍ତମ୍ଭନ ମୋହନ ବଶ ଉଚ୍ଚାଟନ ଚାରି ଛନ୍ଦେ ତହିଁ ବେଣୁ ବାଇଲା
2
ତରୁ ପଲ୍ଲବିତ ଯମୁନା ସ୍ଥକିତ କୁଳବତୀ କୁଳଶୀଳ ନାଶିଲା କେକୀ କୋକିଳ ମୂକ କଣ୍ଠ ହୋଇଣ ପାଷାଣ ତରଳି ଧାରା ବହିଲା
3
କେଉଁ ଗୋପାଙ୍ଗନା ଯାଇଣ ଯମୁନା ଜଳ ମଧ୍ୟେ ତା କଳସୀ ଖସିଲା ଲେଉଟି କଦମ୍ବ ମୂଳକୁ ଚାହିଁଣ ଚମକି ଚତୁରୀ ତଳେ ପଡ଼ିଲା
4
ମୋହନ ଚରଣ ଅଷ୍ଟାଦଶ ଚିହ୍ନ ବନମାଳୀ ଦାସ ଚିତ୍ତେ ଧ୍ୟାଇଲା ଶିବ ସୁର ମୁନି ଯାହାକୁ ନ ପାନ୍ତି ମାତା ଯଶୋବନ୍ତୀ ତାହା ପାଇଲା