Manaku mana mo dhana
ମନକୁ ମନ ମୋ ଧନ
Text
Ghoṣā
ମନକୁ ମନ ମୋ ଧନ କି ବିଚାରୁଥିବ ବସି ଦିନକୁ ଦିନ ହେବନି ଖିନ୍ନ ଲହୁଲି ବୟସୀ ରେ
1
ପୁର ଦୁଆର କବାଟ ନିକଟରେ ରହି ବାଟ ଜଗି ଜଗି ମୋ ଭେଟକୁ ନଟ ଖଞ୍ଜରୀଟ ଦୃଶୀ
2
ଡାକିଲେ ବାୟସ ଆଗେ ଆହାର ଦେଇ ସରାଗେ ପଚାରି ସନ୍ଦେଶ ମୋର ସଜ ନୀରଜ ସୁବାସୀ
3
ଘଡ଼ିକି ଘଡ଼ି ନୟନ କରୁଥିବ ଥନଥନ କେତେ ଦୀର୍ଘଶ୍ୱାସ ତେଜୁଥିବ ଗଣ୍ଡେ କର ନିବେଶି
4
ଶୀର୍ଣ୍ଣ ହୋଇଯିବା ଚାହିଁ ପଚାରିଲେ ତାକୁ ସହୀ ମଥା ଲୁଆଇଁ କରଜ ଅବନୀରେ ଘଷି ଘଷି
5
ସହିଥିବ ଶଙ୍କରଙ୍କୁ ଚମ୍ପକ ବଢ଼ାଇବାକୁ ଗୋପାଳକୃଷ୍ଣ ବୋଲେ ମୁଁ ବିଦେଶ ଯିବାକୁ ମନାସି