Dhira samire basi dakuchi to naa re

ଧୀର ସମୀରେ ବସି ଡାକୁଛି ତୋ ନାଁ ରେ

ପ୍ରାଣେଶ୍ୱରୀ ରାଧିକେ ଶ୍ରୀମତୀ ଗାନ୍ଧର୍ବିକେ ବୋଲୁ ହଜିଯାଉଛି ତୋ ଚେତନା ରେ

ବନେ ପ୍ରତି ବଲ୍ଲୀକି ଧେନୁ ପଶୁ ପକ୍ଷୀକି ତୋ ଅଭିଧାନରେ କରି କଳ୍ପନା ରେ

ତୋଳି କୁସୁମ ବାଳା ତୋ ବେଶ ପାଇଁ ମାଳା ଗୁନ୍ଥି ସେ ରଖୁଛି ଚନ୍ଦ୍ରବଦନା ରେ

ଧ୍ୟାନ କରୁ ତୋ ରୂପ ବହେ ଲୁହ ଅମାପ ଦ୍ୱିଗୁଣେ ବୃଦ୍ଧି ହେଲାନି ଯମୁନା ରେ

ତୋ ଦୋଷ ବୁଝାମଣା କରି ଛାମୁକୁ ଅଣା ଦଣ୍ଡ ଦିଅ ପଛକେ ତୁ ରୁଷନା ରେ

ଗୋପାଳକୃଷ୍ଣ ବୋଲେ ସେହି ସଜେ ଚଳିଲେ ପଥେ ସହୀ କହେ ଶୁଣ ସୁମନା ରେ