Jete kahile tote kisori mani
ଯେତେ କହିଲେ ତୋତେ କିଶୋରୀ ମଣି
Text
Ghoṣā
ଯେତେ କହିଲେ ତୋତେ କିଶୋରୀ ମଣି ପ୍ରତେ ନ କରି ବୋଇଲୁ ଯେ କେ ଜାଣି
1
ସର୍ବଦା ସୁପ୍ରସନ୍ନ ସଜ କଞ୍ଜ ଲପନ ଶୁଖାଇ ନୟନରୁ ପୋଛିଲୁ ପାଣି
2
ସୁନ୍ଦର ପୁରନ୍ଦର ମୁକୁଟ ଅଳଙ୍କାର ହେଲେ କି ପଦେ ସତ ନାହିଁ ତା ବାଣୀ
3
ଅଦ୍ୱିତୀୟ ବିଦଗ୍ଧ ଧୀର ଶୀଳ ସୁସ୍ନିଗ୍ଧ ହୋଇ କି ହେବ ଜାର ବର ଅଗ୍ରଣୀ
4
ଆଉ ସେ ପରସଙ୍ଗ ବୋଲି ଦମ୍ଭରେ ଅଙ୍ଗ ଭାଙ୍ଗି ଦେଲୁ ନାହୁଁ କି ଜୃମ୍ଭାକୁ ଆଣି
5
ମନକୁ ନ ଆସିଲେ ଅସାର ଭଲ ହେଲେ ବୋଲୁ ଉଠିଗଲୁ ରେ ପ୍ରାଣ ମିତଣୀ
6
ଆସ ଆସ ଉଛୁର ହେଲାନି ଅଭିସାର କାଳ ଆଗ ସଜାଡ଼ିଦେବି ମୁଁ ବେଣୀ
7
ହେଲାନି ହେଲା କଥା ହୋଇବ କି ଅନ୍ୟଥା ଗୋପାଳକୃଷ୍ଣ ଶ୍ରୀ ଲଳିତାଙ୍କୁ ଭଣି