Ki heba sua posile
କି ହେବ ଶୁଆ ପୋଷିଲେ
Text
Ghoṣā
କି ହେବ ଶୁଆ ପୋଷିଲେ ହରି ନାମ ନ ଘୋଷିଲେ କୃଷ୍ଣ ନାମ ନ ଘୋଷିଲେ
1
ଦେଉଳକୁ ଶୋଭା ଦିଶେ ଧ୍ୱଜା ବାନ୍ଧିଲେ ଧ୍ୱଜା ବାନ୍ଧିଲେ କି ହେବ ଦେଉଳେ ଦିଅଁ ନ ଥିଲେ
2
ବୃକ୍ଷକୁ ଯେ ଶୋଭା ଦିଶେ ଫଳ ଫଳିଲେ ଫଳ ଫଳିଲେ କି ହେବ ଜନ ମୁଖେ ନ ପଡ଼ିଲେ
3
ପିଣ୍ଡକୁ କାରଣ ଅଟେ ମାଳା ଜପିଲେ ମାଳା ଜପିଲେ କି ହେବ ପରମାତ୍ମା ନ ଚିହ୍ନିଲେ
4
ଘରକୁ ସୁନ୍ଦର ଦିଶେ ବାଳକ ଥିଲେ ବାଳକ ଥିଲେ କି ହେବ ବିଦ୍ୟା ଶିକ୍ଷା ନ କରିଲେ
5
ପୁଷ୍କରଣୀ ଶୋଭା ଦିଶେ ପଦ୍ମ ଫୁଟିଲେ ପଦ୍ମ ଫୁଟିଲେ କି ହେବ ଭ୍ରମର ତା ନ ଚୁମ୍ବିଲେ
6
ଗୀତେ କହେ ବନମାଳୀ ପଦ ବସିଲେ ପଦ ବସିଲେ କି ହେବ ଗୁରୁ ସେବା ନ କରିଲେ