Kahinki re mane nahin ki re

କାହିଁକି ରେ ମନେ ନାହିଁ କିରେ

ଜାଣି କରୁଣା ତୋର ହେଲି ବିନୟଭର ପେଷିଲି ଶିଶୁଚାର ନ ଲେଖିଲୁ ଉତ୍ତର

ହୁଡ଼ିଗଲୁ ଛପଟ କ୍ଷମା କର ନିପଟ ଯେ ହେବ ଲାଗି ପଟ ତାରେ ଏଡ଼େ କପଟ

ମୋ ଗୁଣ ଚିହ୍ନାଇଲୁ ସଖୀଙ୍କି ଘେନାଇଲୁ ସବୁ ତ ବନାଇଲୁ ହସି ନ ଅନାଇଲୁ

ଏବେ ମୋ ଅଙ୍କେ ରାଜହଂସ ଗତି ବିରାଜ ସ୍ୱଜନେ ଗଣି ଆଜ ତେଜ ଏଠାରେ ଲାଜ

ଜାଣି ମୋ ବିସମକୁ ମୋ ନଖ ବିକ୍ରମକୁ କାମଖଣ୍ଡା ଝଟକୁ ଥିଲା ପରି ଚମକୁ

ସୁଖ ମନୋରଥରେ ଗଲି ପ୍ରେମ ପଥରେ ଅଷ୍ଟଦୁର୍ଗ ନାଥରେ ଦୃଷ୍ଟି ନ ଦେଲୁ ଥରେ