Kehi sariki prabhu pane niladri kesariki

କେହି ସରିକି ପ୍ରଭୁପଣେ ନୀଳାଦ୍ରି କେଶରୀକି ଯାଠାରେ ପୂରିଛି ଦୁଃଖୀ ଜନ ଦୟା ନଖଠାରୁ ଶିଖା ସରିକି

କି କହିବା ଆଉ ତାଙ୍କ ଶ୍ରୀଚରଣ ଅନୁସରଣ ଚାତୁରୀକି ବଜାଉଛନ୍ତି ବିଭୀଷଣ ଆଗରେ ଜଗତ ବିଜୟ ତୂରୀକି

ସାନକୁ ବଡ଼ କରିବାରେ ଉଡ଼ାଉ ଅଛନ୍ତି ଧ୍ୱଜ ମଞ୍ଜରୀକି ଦେଖ ନାଗ ନର ଗନ୍ଧର୍ବ କିନ୍ନର ଉପରେ ଧ୍ରୁବ ନଗରୀକି

କି କହିବି ତାଙ୍କ ପୀରତି କରିବା କୀରତି ଚନ୍ଦ୍ର ମାଧୁରୀକି ରଙ୍କ ବିପ୍ର ପାଦ ଧୁଆଇ ଯା ଦେଲେ ରମା କରେ ରତ୍ନଝରୀକି

କ୍ଷମାସାଗର ହେ ତାହାଙ୍କୁ ଭଜିଲେ କାଳ କିଙ୍କରକୁ ଡରିକି ବୋଲେ କବିସୂର୍ଯ୍ୟ ଆନ ଉପାୟକୁ ପେଲି ଦିଅ ଗିରିଦରୀକି