Deli sahi kulaku teki jalanjali

ଦେଲି ସହୀ କୁଳକୁ ଟେକି ଜଳାଞ୍ଜଳି କଲି ଶ୍ୟାମ ପ୍ରୀତିକି ଜୀବନ ସଙ୍ଖାଳି

କରିଥିଲି ମୁଁ ଯେତେକ ବାର ବ୍ରତାବଳୀ ହେଲାନି ତା ଯାକ ପାଦ ତଳେ ନିଉଛାଳି

କୋଟି ଜନ୍ମାନ୍ତର ପୁଣ୍ୟ ଫଳ ଗଲା ମିଳି ମୁଁ ଯୋଗିନୀ ଜାଣ ଆଳୀ ସେ ମୋହର ଥାଳି

ମୋ ହୃଦର ନବ ମୃଗମଦ ପତ୍ରାବଳୀ ମତ୍ତ ମଧୁକର ସେ ମୁଁ କାନନ ନିଆଳୀ

ସୁଗୁଣ ସୁନ୍ଦରପଣ ଯାକ ଭାଳି ଭାଳି ନାମ ଜପୁଥିବି ଏକା ଧରି ଜପାମାଳି

ଅଖିଳ ସୌଭାଗ୍ୟବତୀ ମଉଳିର ମାଳି ତୁନି ହୁଅ ବୋଲନ୍ତି ଶ୍ରୀ ଲଳିତା ଏ ପାଳି

ଶୁଭୁଛି କାନନୁ ବାହୁଡ଼ା ବଂଶୀ କାକଳୀ ବୋଲେ ଗୋପାଳକୃଷ୍ଣ ଚାମର ଢାଳି ଢାଳି