Jaya radha krusna boli jaya

ଜୟ ରାଧା କୃଷ୍ଣ ବୋଲି ଜୟ

ତୀର୍ଥ ବ୍ରତ ଭକ୍ତିକ୍ଷୋଦ ନ କରି ହେଲୁ ଉନ୍ମାଦ ନ କହି ଆଉ ପ୍ରମାଦ ଏଣିକି ହୋଇ ନିର୍ବେଦ

ନିଭୃତ ନିକୁଞ୍ଜ ଶେଯେ ବିଜେ କରିଛନ୍ତି ସେ ଯେ ପାଶରେ ଆଳୀ ସମାଜେ ମିଳିବୁ ଶ୍ରୀମୁହେ ପଦାମ୍ବୁଜେ

ଆହା ସେ କି ଚମତ୍କାର ପ୍ରହେଳୀ ପ୍ରସନ୍ନୋତ୍ତର କୁହାକୁହି ହୋଇବାର ହସି ହସି ଧୀର ଧୀର

ରାସାବସାନେ କିଶୋରୀ ପ୍ରିୟ ହୃଦେ ଅପସରି ଉଭା ହେବାର ମାଧୁରୀ ରୂପ ସୁମରି ସୁମରି

ବେନି ପାଖରେ ଚାମର ବ୍ୟଜନ ଧରି ସତ୍ୱର ଆଳୀ ପକାଉଥିବାର ଭାବି ଭାବି ନିରନ୍ତର

ମଧୁପାନେ ମତ୍ତ ହୋଇ ବର୍ଣ୍ଣଲୁପ୍ତ ଗୀତ ଗାଇ ଗଣ୍ଡ ପାଶେ ଗଣ୍ଡ ଦେଇ ରହିବା ଶ୍ରୀମୂର୍ତ୍ତି ଥାଇ

ଆସି ଆସି ମଥା ପୋଥି ଉଭା ହେବାର ଝଟତି ଲୁଚିବାର ଲଭି ଭୀତି ସେ ସୁଷମା ଚିନ୍ତି ଚିନ୍ତି

ଗୋପାଳକୃଷ୍ଣ ଭାଷିତ ଯାଅ ତୁ ମନ ସନ୍ତତ ହୁଅ ଶ୍ରୀ ଲଳିତାଶ୍ରିତ ପୂର୍ଣ୍ଣଚନ୍ଦ୍ର ଅଭିମତ