Nirekhi chahan re sakhi
ନିରେଖି ଚାହାଁରେ ସଖୀ
Text
Ghoṣā
ନିରେଖି ଚାହାଁରେ ସଖୀ ସେ କଦମ୍ବ ମୂଳକୁ ସଂସାର ସାର ସୁଷମା ହୋଇବ କି ତୁଳକୁ
1
ଶିରେ ବାଙ୍କଚୂଳ ଶିଖୀପୁଚ୍ଛ ଚଳାଚଳକୁ ବିଲୋକିଲେ ସତୀଧୃତି ରହିବ କି କାଳକୁ
2
ହୃଦେ ବନମାଳ କର୍ଣ୍ଣେ ମକର କୁଣ୍ଡଳକୁ ହସାମିଶା ଭାଷା ଭଙ୍ଗୀ ହୃଦାଞ୍ଚଳ ତଳକୁ
3
କଟୀରେ ପୀତ ଅମ୍ବର କ୍ଷୁଦ୍ର ଘଣ୍ଟିମାଳାକୁ ମଞ୍ଜୁ ମଞ୍ଜରୀ ଚରଣେ ହୋଇଅଛି ମେଳକୁ
4
ତ୍ରିତାପେ ତାପିତ ହୋଇ ସଦା ଭବଜଳକୁ ଦୀନ ବନମାଳୀ ହେଜୁଥାଇ ପଦତଳକୁ